Paraula gascona

Passa-Pòrts: aquer’edicion 2019 qu’èra ua escadenca

Eths 5 e 6 d’abriu passats que’s debanè eth setzau Passa-Pòrts a Montrejau, ara iniciativa de l’Ostau Comengés. L’edicion 2019 qu’estó ua escadenca, dab ua bèra frequentacion, maugrat ua metèo un shinhau capriciosa. Ath entorn de 300 personas que s’i amassèn eth dissabte ser.
Que començè eth divendres dab ua jornada dedicada aths mainatges, qui s’i hasón hòrt tot dia a har teatre, dança, canta e iniciacion aras quilhas. Qu’assistín en fin de vrespada a un concèrt especiau d’Alidé Sans. Encantats, la màger part qu’acabèn eth concèrt sus l’empont dab la cantadora.
Eth divendres ser que’s tienè tanben ua taula redonda perpausada dens l’encastre deth projècte europèu Viva Tramontana. Que s’i parlè dera transmission deth patrimòni culturau immateriau deras montanhas europèas, ename ua reflexion sus quate tipes d’expressions: parlar, dançar, tribalhar e esperar. Eths intervienents que vienèvan de Gasconha, d’Itàlia e de Polonha. L’escadença d’abordar tematicas importantas mes a còps desbrombadas, com las valors deth tribalh en eth pastoralisme o enqüèra eth culte marial.
Eth dissabte qu’èra hestiu tanben, dab estagis de canta, de dança, de musica e de fabricacion de halhòts. Ua bèra restitucion qu’estó perpausada abans eth sopar, aprestat peths productors deth terrador. Enfin, l’eveniment que’s clavè dab 4 grops sus l’empont: La Sonsoni, Alidé Sans e Paulin Courtial, eth duo Cance-Courtial e enfin Eths Chòts e Companhia.
Ath finau, eth hestau Passa-ports que gahè eth son prètzhèit, qu’ei tanben l’eslogan de l’Ostau Comengés : “Guardar la memòria, transméter e animar lo territòri”. Qu’ac an tot hèit en dus dias.

 

Mots-clés :

Articles en relation :

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Derniers articles

Ne manquez plus un article :